Tong Asal Nuduh!

Tengah peuting, Komandan Hansip Rancabanyol keur ngaronda. Keur ngider, manehna manggihan nu keur dodongkoan deukeut imah Ma Odah Sobariyah.
"Taaaaaah!! Kapanggih siah! Sia rek maling hayam nya?!! Ngaku siah!" Si Dansip ngagareuwahkeun bangsat.
"Eeeeuh... tong sok mitnah kitu. Dosa nyaho mitnah teh, pitnah lebih kejam daripada membunuh! Da kuring mah lain rek maling hayam, tapi rek maling entog da yeeeey!" si bangsat asa teu ngeunah dituduh rek maling hayam teh.
"Oooh rek maling entog, sugan teh rek maling hayam. Nya sok atuh tuluyukeun. Hampura uing geus suudzon ka maneh..." ceuk si Dansip ngajak sasalaman, tuluy leumpang ngider deui.

"Enya ku uing dihampura. Tong sakali-kali deui nya, ka batur sok asal nuduh...." ceuk si Maling balin ngincid indit.